இந்துசமயமன்றம் சார்பில் பொன்விழா ஆண்டில் (1972 – 2022) ஸ்ரீரமணீ ஹால், நங்கநல்லூரில் 12.08.2022 வெள்ளிக்கிழமை நடைபெற்ற ஸ்ரீகாஞ்சி காமகோடி பீடம் ஸ்ரீஜயேந்த்ர சரஸ்வதி சங்கராச்சார்ய ஸ்வாமிகளின் 88வது ஜயந்தி ஸ்ரீலலிதா ஸஹஸ்ரநாம பூஜை வெகு கோலாகலமாக நடைபெற்றது. செல்வி. சமன்விதா ஸ்ரீனிவாசனின் இறைவணக்கத்துடன், புலவர்.க.ஆத்ரேய சுந்தரராமனின் சமயமன்ற அறிமுகம் மற்றும் வரவேற்புரையுடனும் விழா துவங்கியது. பூஜ்யஸ்ரீ.கங்கோத்ரி ஸ்வாமிகள் ஸ்ரீஸ்ரீஸ்ரீ.நாராயண தீர்த்த மஹாஸ்வாமிகள் மற்றும் ஸ்ரீ.அபிநவ சிவ சச்சிதானந்த மஹாஸ்வாமிகள்,விஸ்வேஸ தீர்த்த மஹாஸ்வாமிகள் விழா மண்டபத்திற்கு எழுந்தருளி அருளாசியுரை வழங்கினர். ஸுவாஸினிகளின் விஷ்ணு ஸஹஸ்ரநாம பாராயணம், ஸ்ரீலலிதா த்ரிபுரசுந்தரி பூஜை, ஒவ்வொருவருக்கும் ஸ்ரீலலிதாம்பாள் விக்ரஹம் அளிக்கப்பட்டு ஸஹஸ்ரநாம குங்குமார்ச்சனை, கன்யா பூஜை, ஸௌபாக்ய திரவியங்கள், பிளவுஸ்பிட், லட்டு ப்ரசாதம் வழங்கப்பட்டது. விழா சிறப்புரை ஆடிட்டர் ஸ்ரீ.V C.ஸ்ரீகாந்த்ஜி தாம் புதுப்பெரியவர் மீதியற்றிய கவிதையுடன் உரையாற்றினார். சமயமன்ற அமைப்பாளர்.ஸ்ரீமதி.கௌரி வெங்கட்ராமனின் நன்றியுரையுடன் அருமையான இரவு உணவுடனும் விழா இனிதே ஸ்ரீஆசார்யாள் க்ருபையுடன் நடந்தேறியது. இவ்விழாவில் கவிஞர்.சாணுபுத்திரன், ஸ்ரீரமணி ஹால் ஸ்ரீ.மகேஷ், ஸ்ரீ.நாராயணன்ஜீ, ஸ்ரீஹரிஹரன்ஜீ, ஸ்ரீரகுராமன்ஜீ,மற்றும் இந்துசமயமன்ற பல்வேறு கிளை அன்பர்கள், மூத்த அமைப்பாளர்கள்,ஸ்ரீகாஞ்சி கைங்கர்ய சபா அன்பர்கள், ஸ்ரீவிஷ்ணு ஸஹஸ்ரநாம கல்சுரல் பெடரேஷன் அன்பர்கள், நாராயணீய பாராயண குழுவினர்,மறைமலைநகர் பிராமணர்சங்க அன்பர்கள், நங்கநல்லூர் ஸத்ஸங்கத்தினர் கலந்துகொண்டனர்.
