இந்துசமயமன்றம் “ஸ்ரீமஹாபெரியவருக்கு அனுஷ பூஜை”

ஸ்ரீகுருப்யோ நம!
20.01.2020 திங்கட்கிழமை மாலை 6.30 மணியளவில் சென்னை பள்ளிக்கரணை ஸ்ரீமதி.கௌரி வெங்கட்ராமன் (மாநில அமைப்பாளர், இந்துசமயமன்றம் ) அவர்கள் இல்லத்தில் ஸ்ரீமஹாபெரியவருக்கு அனுஷ நக்ஷத்ர திருநாளில் விசேஷ பூஜை நடைபெற்றது. சிவனார்அகரம் ஸ்ரீமஹாபெரியவா பூஜைக்கு எழுந்தருளி அனுக்ரஹித்தார்.முதலில் ஸ்ரீகணேச, குரு த்யானமும், ஸ்ரீலலிதா ஸஹஸ்ரநாம பாராயணம் மற்றும் ஸ்ரீகுருபாதுகைகளுக்கு அர்ச்சனை மற்றும் புஷ்பாஞ்சலி நடைபெற்றது. பிறகு “பாகவத சேவா மணி” ஸ்ரீ. காசிராம பாகவதர் குழுவினரின் பஜனை நடைபெற்றது. மங்கள ஹாரத்தி மற்றும் ப்ரசாதம் அனைவருக்கும் வழங்கப்பட்டது. இந்துசமயமன்றத்தின் தொடக்ககால அமைப்பாளர்களில் ஒருவரான கல்பாக்கம் ஸ்ரீ.நாகராஜன், கவிஞர் சாணுபுத்திரன், தேசிய இந்து திருக்கோவில் கூட்டமைப்பின் ஸ்ரீகண்ணன்ஜி மற்றும் பலர் கலந்துகொண்டனர். புலவர் க ஆத்ரேய சுந்தரராமன் அனைவரையும் வரவேற்றார். ஸ்ரீமதிகௌரி வெங்கட்ராமன் பூஜை ஏற்பாடுகளை சிறப்பாக செய்திருந்தார்கள்.