Month: May 2018

இன்று இந்துசமயமன்றம் சார்பில் நடந்த லக்ஷகாயத்ரி ஜபயக்ஞத்தில் ஸ்ரீயோகசந்தோஷபீடம் மற்றும் தேசீய இந்து திருக்கோவில் கூட்டமைப்பு நிர்வாகிகள் கலந்துகொள்ள புதுப்பெருங்களத்தூர் அருள்மிகு ஸ்ரீகாருண்யாம்பிகை சமேத காரணீஸ்வரஸ்வாமி திருக்கோவிலில் சிறப்பாக நடைபெற்றது. சாக்தஸ்ரீ தீ.வி.சந்திரசேகர சர்மாஜி அவர்கள் விஸ்தாரமாக சங்கல்பம் பண்ணிவைத்து காயத்ரி உபாசனை பற்றிய விளக்கம் அளித்தார்கள். பெருங்களத்தூர் இந்துசமயமன்றம் ஸ்ரீஷ்யாம் மற்றும் வண்டலூர் இந்துசமயமன்றம் அமைப்பாளர் ஸ்ரீமதி அக்ஷயா ஸ்ரீராம் அவர்கள் சிறப்பாக ஏற்பாடு செய்து மதிய உணவும் அளிக்கப்பட்டது. ஸ்ரீஜெயமாருதிதாச ஸ்வாமிகள் ஸ்ரீஅனுமன் குரல் மாதஇதழின் இந்த மாத பிரதியை அனைவருக்கும் அளித்து ஆசீர்வதித்தார்கள். இந்துசமயமன்றம் ஸ்ரீமடம் அமைப்பாளர் புலவர் க ஆத்ரேய சுந்தரராமன் தலைமையில் அனுமன்சேனா ஸ்ரீஆழ்வார்ஜி முன்னிலையில் நிகழ்ச்சி ஸ்ரீஆசார்யாள் அனுக்ரஹத்துடன் நடைபெற்றது . அடுத்த மாத நிகழ்ச்சி கிழக்கு தாம்பரம் சேலையூரில் வருகிற ஜூன் மாதம் 17ந்தேதி ஸ்ரீகாயத்ரி அம்மன் திருக்கோவிலில் ஸ்ரீஆசார்யாள் அனுக்ரஹத்துடன் ஸ்ரீஆழ்வார்ஜி ஏற்பாட்டில் நடைபெற உள்ளது.

 

இன்று இந்துசமயமன்றம் மற்றும் ஸ்ரீயோகசந்தோஷபீடம் சார்பில் ஸ்ரீத்ரிநேத்ர சதுர்புஜ நவக்கிரக யோக ஆஞ்சநேயர் திருக்கோவிலில் நடைபெற்ற ஸ்ரீகாஞ்சி மாமுனிவர் 125வது ஜயந்தி மஹோற்சவத்தையொட்டி அகண்ட ஸ்ரீவிஷ்ணு ஸஹஸ்ரநாம பாராயணம் அகில இந்திய ஸ்ரீவிஷ்ணு ஸஹஸ்ரநாம கல்ச்சுரல் பெடரேஷன் மண்டலியினர் ஸ்ரீராம்ஜி, ஸ்ரீகணேசன்ஜி, ஸ்ரீராமானுஜம், ஸ்ரீமதி விஜயலக்ஷ்மி அவர்கள் தலைமையில் வந்திருந்து நடத்தினர். காலை மறைமலைநகர் ப்ரம்மஸ்ரீ.ராமமூர்த்தி சர்மா அவர்களின் வேத கோஷத்துடன் ஸ்ரீருத்ர பாராயணம், ஸூக்தாதிகள் பாராயணம் சிறப்பாக நடந்தேறியது. ஸ்ரீலலிதா ஸஹஸ்ரநாம பாராயணம் மற்றும் த்ரிசதீ அர்ச்சனை ஸ்ரீபவானி அம்மன் சந்நிதியில் ஸ்ரீமஹாமேருவிற்கு நடைபெற்றது.அனுமன்சேனா அமைப்பாளர் ஸ்ரீஆழ்வார்ஜி, ஊரப்பாக்கம் இந்துசமயமன்றம் ஸ்ரீமதி.பார்வதி மோகன், படப்பை இந்துசமயமன்றம் ஸ்ரீதக்ஷிணாமூர்த்தி, மறைமலைநகர் இந்துசமயமன்றம் ஸ்ரீமதி.பார்வதிரமணி , மஹாலக்ஷ்மிநகர் இந்துசமயமன்றம் ஸ்ரீமதி.வாசுகிபன்னீர்செல்வம், ஸ்ரீபரணிதரன், டிபன்ஸ்காலனி இந்துசமயமன்றம் ஸ்ரீநாராயணன் ஆகியோர் வந்திருந்தனர். விழா நிறைவாக ஸ்ரீயோகசந்தோஷபீடம் ஸ்ரீஜெயமாருதிதாச ஸ்வாமிகள் ஆசியுரையாற்றினார். முன்னதாக விழா ஒருங்கிணைப்பாளரும் இந்துசமய மன்றம் அமைப்பாளருமான புலவர்.க.ஆத்ரேய சுந்தரராமன் நிகழ்ச்சியை தொகுத்து வழங்கினார். சுவையான மதிய உணவு ஸ்ரீயோகசந்தோஷபீடம் சார்பில் ஸ்ரீஆறுமுகம் அவர்கள் கைவண்ணத்தில் அனைவருக்கும் பிரசாதம் ஏற்பாடு செய்யப்பட்டிருந்தது.ஸ்ரீகாஞ்சி ஆசார்யர்களின் அருளாலும் அனுமனின் அனுக்ரஹத்துடனும் விழா சிறப்பாக நடைபெற்றது.

 

ஸ்ரீயோகசந்தோஷபீடம் மற்றும் இந்துசமயமன்றம் சார்பில் ஸ்ரீகாஞ்சி மாமுனிவர் 125வது ஜயந்தி மஹோற்சவத்தையொட்டி அகண்ட ஸ்ரீவிஷ்ணு ஸஹஸ்ரநாம பாராயணம் நந்திவரம் கூடுவாஞ்சேரி மஹாலக்ஷ்மிநகர் ஸ்ரீத்ரிநேத்ர சதுர்புஜ நவக்கிரக யோக ஆஞ்சநேயர் திருக்கோவில் வளாகத்தில் வருகிற 26ந்தேதி சனிக்கிழமை நடைபெற உள்ளது. காலை 7.30 மணிக்கு மறைமலைநகர் ப்ரம்மஸ்ரீ.கண்ணன் பாகவதர் அவர்கள் ஸ்ரீராமநாம சங்கீர்த்தனம், 8.00 மணிக்கு ப்ரம்மஸ்ரீ. ராமமூர்த்திசர்மா அவர்கள் வேத கோஷம், 8.50 மணிக்கு அகில இந்திய விஷ்ணு ஸஹஸ்ரநாம கல்ச்சுரல் பெடரேஷன் ஸ்ரீகணேசன்ஜி தலைமையில் அகண்ட ஸ்ரீவிஷ்ணு ஸஹஸ்ரநாம பாராயணம் துவங்கி ஸ்ரீகாஞ்சி ஆசார்யாள் அனுக்ரஹத்துடன் டாக்டர் ஸ்ரீஜெய் மாருதிதாச ஸ்வாமிகள் வழிகாட்டுதலில் சிறப்பாக நடைபெற உள்ளது. அனைவரும் வருக! ஸ்ரீசீதா லக்ஷ்மண பரத சத்ருக்ன அனுமத் சமேத ஸ்ரீராமச்சந்திர மூர்த்தியின் திருவருளையும் ஸ்ரீகாஞ்சி மாமுனிவர் குருவருளையும் பெற்றுய்ய ப்ரார்த்திக்கிறோம். இவண், ஸ்ரீயோகசந்தோஷபீடம், ஸ்ரீநந்தி் சித்தர் பீடம், இந்துசமயமன்றம், தேசீய இந்து திருக்கோவில் கூட்டமைப்பு மற்றும் ஸ்ரீவிஷ்ணு ஸஹஸ்ரநாம கல்ச்சுரல் பெடரேஷன் மண்டலிகள்.

லக்ஷகாயத்ரி ஜப யக்ஞம் இந்த மாதத்தில் ஸ்ரீகாஞ்சி ஆசார்ய ஸ்வாமிகள் அனுக்ரஹத்துடன் இந்த மாதம் புதுப்பெருங்களத்தூர் அருள்மிகு ஸ்ரீகருணாம்பிகை சமேத ஸ்ரீகாரணீஸ்வரஸ்வாமி தேவஸ்தானத்தில் வரும் 27.5.2018 ஞாயிற்றுக்கிழமை காலை 7.30 மணியளவில் துவக்கப்படுகிறது. கலந்து கொள்பவர்கள் காலை அனுஷ்டானங்களை முடித்து பஞ்சபாத்ர உத்தரணியுடன் சம்ப்ரதாயப்படி உடையணிந்து வர வேண்டுகிறோம். இவண், இந்துசமயமன்றம், பெருங்களத்தூர் மற்றும் வண்டலூர் கிளை மன்றங்கள், ஸ்ரீயோகசந்தோஷபீடம், தேசீய இந்து திருக்கோவில் கூட்டமைப்பு.

 

ஸ்ரீகுருப்யோ நம! நேற்றைய முந்தைய தினம் ஆதம்பாக்கம் வேல்நகர் மூன்றாவது தெருவில் அமைந்துள்ள ஸ்ரீவெங்கட்ராமன் அவர்கள் இல்லத்தில் ( இந்துசமயமன்றம் ஆதம்பாக்கம் கிளை) ஸ்ரீசங்கர ஜயந்தி மஹோற்சவத்தையொட்டி இந்துசமயமன்றம் சார்பில் ஸ்ரீஆதிசங்கரருக்கு ருத்ராபிஷேகம் மற்றும் வேத உபசாரங்கள் சிறப்பாக நடைபெற்றது. ஸ்ரீரகுநாத லக்ஷ்மணன் டிரஸ்ட் ஸ்ரீவைத்யனாதன் அவர்கள் தலைமையில் வேதோக்தமாக பூஜை நடைபெற்றது. அபிஷேகத்தை ஸ்ரீவித்யா உபாசகர் “அபினய ஸரஸ்வதி ” சாக்தஸ்ரீ. ஸ்ரீநரசிம்மப்ரசாத் குருஜி அவர்கள் நடத்தினார்கள். ஸ்ரீயோகசந்தோஷபீடம் ஸ்ரீஜெய்மாருதிதாச ஸ்வாமிகள், ஸ்ரீ ஜே.கே.சிவன், திரு.சாணுபுத்திரன், திண்டிவனம் ஸ்ரீநாகராஜய்யர், ஸ்ரீரமணி ஹால் ஸ்ரீமகேஷ், ராம் ராம் சுந்தரராமன், சிவாய நம ஸ்ரீலக்ஷ்மிநாராயணன் மற்றும் ஸ்ரீகாஞ்சி கைங்கர்ய சபா உறுப்பினர்கள் ஆகியோர் கலந்துகொண்டனர்.

ஆதம்பாக்கத்தில் நடைபெற்ற இந்துசமயமன்றத்தின் ஸ்ரீசங்கர ஜயந்தி மஹோற்சவத்தையொட்டி நடந்த நிகழ்ச்சியில் சத்சங்கம் நடந்தது. ஸ்ரீஅனுமன் குரல் மாதஇதழின் ஐந்தாவது ஆண்டு வெளியீட்டு விழா ஸ்ரீஜே.கே.சிவன் அவர்கள் வெளியிட்டார். அனுமன்சேனா அமைப்பாளர் ஸ்ரீஆழ்வார்ஜி மற்றும் ஸ்ரீகுமார் அவர்கள், தேசிய இந்து திருக்கோவில் கூட்டமைப்பின் ஸ்ரீராம் அவர்கள் கலந்துகொண்டனர். மாஸ்டர் குருவிட்டலின் ஸ்ரீசங்கர சரித்திரம் சொற்பொழிவு, ஊரப்பாக்கம் ஸ்ரீசர்வமங்களா பஜன் மண்டலி ஸ்ரீமதி. சாந்தாபாலசுப்ரமணியன் குழுவினர் இன்னிசை , பஜன் நடைபெற்றது. அடியேன் விழாவிற்கு அனைவரையும் வரவேற்றும், இந்துசமயமன்றத்தின் அமைப்பாளர் ஸ்ரீமதி.கௌரிவெங்கட்ராமன் அவர்கள் நன்றி நவில நிகழ்ச்சி இனிதே நடந்தேறியது. வந்திருந்த அனைவருக்கும் காலை சிற்றுண்டி மற்றும் மதிய உணவு வழங்கப்பட்டது. நிகழ்ச்சி நன்றாக நடைபெற தோன்றாத்துணையாய் உடனிருந்து அருள்பாலித்த ஸ்ரீஆசார்யாள் திருவடிமலர்களில் அனந்தகோடி நமஸ்காரங்கள் சமர்ப்பிக்கிறேன்.

 

சிவாய நம! அச்சிறுபாக்கத்தில் நடந்த சமயபோதனை முகாமிற்கு இன்று சென்று கலந்துகொண்டு சிறப்புரை நிகழ்த்தினேன். ஸ்ரீயோகசந்தோஷபீடம் டாக்டர் ஸ்ரீஜெய் மாருதிதாச ஸ்வாமிகள் பங்கேற்ற குழந்தைகளுக்கு பரிசு வழங்கி ஆசியுரை வழங்கினார். அச்சிறுபாக்கம் இந்துசமயமன்றம் சைவத்திரு.முருகப்பன் அவர்கள் பலவருடங்களாக இப்பகுதியில் கோடை விடுமுறையில் இம்முகாமை சிறப்பாக நடத்திவருகிறார். காஞ்சி ஸ்ரீமடத்தின் பிரசாதம் ஆசிரியர்களுக்கு வழங்கப்பட்டது. தஞ்சாவூர் சைவ சமய மன்றம் மற்றும் தஞ்சாவூர் அப்பர் தமிழ் மன்றம் சைவத்திரு. ஆம்பல்.முருக.வைத்தியலிங்கம் தலைமையில் ஆசிரியர் பெருமக்கள் இந்த முகாமில் சேவைமனப்பான்மையுடன் பயிற்சியளிக்கிறார்கள்.