அனைவருக்கும் இந்துசமயமன்றம் சார்பில் ஸ்ரீவிநாயக சதுர்த்தி வாழ்த்துக்கள்!
Month: August 2020
ஸ்ரீகிருஷ்ண ஜயந்தி!
‘ஸ்ரீக்ருஷ்ணம் வந்தே ஜகத்குரும் ‘
பகவான் ஸ்ரீமன்நாராயணனின் பூர்ணாவதாரம் ஸ்ரீகிருஷ்ணன். தன் ஸங்கல்பமான தர்ம ஸ்தாபனத்திற்காக மஹாபாரதப்போரை நடத்தினார். கீதையை உபதேசித்த மஹாகுரு அவர். அதர்மத்தை வேரோடு அழித்தார். அதே சமயத்தில் தன்னை நேசித்த கள்ளங்கபடமற்ற பக்தர்களை, கோபிகைகளை ஆனந்தம் கொள்ளுமாறு பல லீலாவினோதங்களைச்செய்தார். மதுராதிபதே மதுரம் என பாடுவதுபோல மதுரமுரளியாக வலம் வந்தார். ஒருத்தி மகனாய் பிறந்து ஒருத்தி மகனாய் ஒளித்து வளர்ந்த அவன் பால லீலைகள் எப்போதும் நம்மை மகிழ்விக்கிறது. கண்ணன் அவதரித்த
திருநாளில் அவரை போற்றி கொண்டாடுவோம். தர்மத்தின்படி நடப்போம். சனாதன இந்து தர்மத்தை காப்போம்!
அனைவருக்கும் ஸ்ரீகிருஷ்ண ஜயந்தி வாழ்த்துக்கள்!
இவண்,
இந்துசமயமன்றம்
ஸ்ரீகாஞ்சி காமகோடி பீடத்தின் சமய கலாச்சார பண்பாட்டு சேவை அமைப்பு.
ஸ்ரீகுமார குரவே நம!
இன்று சங்கடஹர சதுர்த்தி (07.08.2020) ஆடி வெள்ளிக்கிழமை டிபன்ஸ்காலனி அருள்மிகு ஸ்ரீவரசித்தி விநாயகர் திருக்கோவிலில் ஸ்ரீகந்தர் சஷ்டி கவசம் பாராயணம் நமது இந்துசமயமன்ற அன்பர்கள் சார்பில் ஸ்ரீகாஞ்சி ஆசார்ய ஸ்வாமிகள் அருளாசியுடன் நடைபெற்றது. 108 ஆவிருத்தி பாராயணம் நடைபெற்றது. ஸ்ரீவள்ளி தேவயானை அம்பிகைகளுடன் ஸ்ரீசிவசுப்ரமணியஸ்வாமி உற்சவ மூர்த்திக்கு ஆறு முறை ஆறுவிதமான நைவேத்தியம் சமர்ப்பித்து உலக நலனை வேண்டி, கொடுந்தொற்றுநோய் ஒழிய வேண்டி ப்ரார்த்தித்து வேதோக்தமாக புலவர் க ஆத்ரேய சுந்தரராமன் அவர்கள் வழிகாட்டுதலின்படி நடைபெற்றது.
ஸ்ரீராமஜன்மபூமி பூமிபூஜை
ஸ்ரீராமசந்த்ரமூர்த்தி திருக்கோயில் கர்பக்ருஹத்தின் முக்யமான இடத்தை நிர்ணயித்துச் செய்யப்படும் சங்கு ஸ்தாபனத்திற்கு ஸ்ரீகாஞ்சீ காமகோடி பீடம் ஜகத்குரு பூஜ்யஸ்ரீ சங்கராசார்ய ஸ்வாமிகள் அவர்கள் ஸ்ரீமடம் ஸம்ஸ்தானத்தின் அருட்கொடை…
காஞ்சி ஸ்ரீசங்குபாணி வினாயகர் ஆலயத்தில் வைத்து பூஜிக்கப்பட்ட கருங்காலி மரத்தினாலான சங்கு எனப்படும் ஸ்தூபியைப் போன்ற அமைப்பு, யந்த்ரம், பூஜ்யஸ்ரீ ஆசார்யாள் அவர்களால் விசேஷமாகத் தேர்ந்தெடுக்கப்பட்ட ஸ்ரீமத்ராமாயண வரிகள் பொறிக்கப்பட்ட வெள்ளித் தகடு ஆகியன பலவும் அயோத்தியில் பூஜா ஸ்தலத்தில் தற்போது தயாராக வைக்கப்பட்டிருக்கும் காட்சி….
ஜெய் ஸ்ரீராம்
அயோத்தியில் ஸ்ரீராமபிரான் ஆலயம் எழுப்ப பெருமுயற்சி எடுத்த ஸ்ரீகாஞ்சி புதுப்பெரியவர் ஸ்ரீஸ்ரீஸ்ரீஜயேந்த்ர சரஸ்வதி ஸ்வாமிகள் ஜயந்தி திருநாளில் அயோத்தியில் ஸ்ரீராமபிரானுக்கு கோவில் கட்ட அடிக்கல் நாட்டுவிழா!
போற்றி ஜகத்குருவின் திருவடிகள்!
போற்றி ஸ்ரீராமன் திருப்பாதம்!
இவண்,
இந்துசமயமன்றம்
ஸ்ரீகாஞ்சி காமகோடி பீடத்தின் சமய கலாச்சார பண்பாட்டு சேவை அமைப்பு
ஸ்ரீகுருப்யோ நம!
ஸ்ரீகாஞ்சி காமகோடி பீடத்தின் 69வது ஆசார்யர் மூலாம்னாய ஸர்வக்ஞபீடம் ஸ்ரீகாஞ்சி காமகோடி பீடத்தின் ஜகத்குரு ஸ்ரீஸ்ரீஸ்ரீஜயேந்த்ர சரஸ்வதி சங்கராச்சாரிய மஹாஸ்வாமிகளின் ஜயந்தி!
ஸ்ரீகாஞ்சிப்பெரியவரின் அருளாசியுடன் ஸ்ரீகாஞ்சி காமகோடி பீடத்தின் சார்பில் சமய, கலாச்சார, பண்பாட்டு, சேவை அமைப்பான இந்துசமயமன்றம் வளர்த்தெடுத்த மகான்!
காலமெல்லாம் ஹிந்து தர்மத்தை காக்க முயற்சி எடுத்தவர்!
ஏழை மக்கள் மேம்பட சேவையாற்றியவர்!
பாரதமெங்கும் ஆதிசங்கரருக்கு பிறகு வலம் வந்து ஞானோபதேசம் செய்தவர்!
பள்ளிகளும் கல்லூரிகளும் நிறுவி பல்கலைக்கழகம் கண்ட ஞானகுரு!
சமுதாயத்தில் ஒடுக்கப்பட்ட மக்களின் பகுதிதோறும் சென்று துயர் துடைத்தவர்!
மருத்துவமனைகள் ஏற்படுத்தி ஏழைமக்களுக்கு ஔஷதம் தந்த உத்தம குரு!
தன் தெய்வீக புன்னகையால் மக்களின் மனம் கவர்ந்த மாமுனிவர்!
அவருடைய ஜயந்தி நன்னாளில் அவர் பெருமுயற்சி எடுத்த அயோத்தி ஸ்ரீராமபிரானுக்கு கோவில் எழுப்ப பூமி பூஜை நடத்தப்பெறுவது தெய்வ சங்கல்பமாகவே நினைக்கிறோம்.
ஸ்ரீபுதுப்பெரியவர் என்று அன்போடும் பக்தியோடும் வணங்கப்பெறும் ஞானகுருமகானின் அருட்கமல மலரடிகளில் இந்துசமயமன்றம் தன் அனந்தகோடி நமஸ்காரங்களை பக்தியுடன் சமர்ப்பிக்கிறது.
இவண்,
புலவர் க ஆத்ரேய சுந்தரராமன்
கௌரி வெங்கட்ராமன்
மாநில அமைப்பாளர்கள், மற்றும்
இந்துசமயமன்ற அன்பர்கள்.
இந்துசமயமன்றம் சார்பில் அனைவருக்கும் ஆடிபதினெட்டாம்பெருக்கு வாழ்த்துக்கள்!
கொரானோா நம்மை படுத்தினாலும் ஒருபக்கம் காவிரித்தாய் நமக்கு நல்ல அருளை வழங்கியுள்ளாள். காவிரி பாயும் ப்ரதேசம் முழுவதும் பொன்னியின் புதுப்புனல் பாய்ந்து உணவிற்கான நெல்மணிகள் மற்றும் தானியங்கள் அமோக விளைச்சல் காணட்டும். பூமி மாதா இந்த புனித பாரத தேசத்தை காக்கட்டும். அனைத்திற்கும் குருவருள் நிலைக்கட்டும்!
மறைமலைநகர் நகராட்சி களிவந்தப்பட்டு கிராமத்தில் முககவசம் வழங்கப்பட்டது
இந்துசமயமன்றம் மற்றும் ஸ்ரீசித்தாந்தா பவுண்டேஷன் சார்பில் 01.08.2020 சனிக்கிழமை அன்று மறைமலைநகர் நகராட்சி களிவந்தப்பட்டு கிராமத்தில் முககவசம் வழங்கப்பட்டது. ஸ்ரீசித்தாந்தா பவுண்டேஷன் ஸ்ரீகிருஷ்ணன்,இந்துசமயமன்றம் புலவர் க ஆத்ரேய சுந்தரராமன், ஸ்ரீநந்தீஸ்வரர் உழவாரப்பணிக்குழு ஸ்ரீ.மணிவண்ணன், ஸ்ரீநந்தி சித்தர் பீடம் ஸ்ரீராமச்சந்திரன், ஊர்பிரமுகர் ஸ்ரீ.கருணாகரன், ஸ்ரீஆலய தரிசனம் யுடியூப் சேனல் ஸ்ரீ.சரவணன் ஆகியோர் வருகைபுரிந்தனர்.
