Month: December 2021
பர்வதமலையை கிரிவலம் வந்த மார்கழி ஒன்றாம்நாள்
ஸ்ரீகாஞ்சி மஹாபெரியவர் தக்ஷிணகைலாயம் என வழங்கப்படும் திருவண்ணாமலை மாவட்டம் கலசபாக்கம் வட்டம் பர்வதமலையை கிரிவலம் வந்த மார்கழி ஒன்றாம்நாள் அவரது அருளைப்போற்றும்வண்ணம் ஒவ்வொரு வருடமும் லக்ஷக்கணக்கான பக்தர்கள் கிரிவலம் செல்கின்றனர். இந்த வருடம் 16.12.2021 வியாழக்கிழமை இன்றைக்கு கிரிவலம் செல்லும் பக்தர்களுக்கு ஸ்ரீகாஞ்சி காமகோடி பீடத்தின் சமயச்சேவை அமைப்பான இந்து சமய மன்றம் சார்பில் அன்னதானம், காபி மற்றும் ஆன்மீக புத்தகப்ரசாதம் வழங்கப்பட்டது. இதற்கான ஏற்பாடுகளை கடலாடி இந்துசமயமன்ற அமைப்பாளர் திரு.ஜெயவேலு அவர்கள் மிகச் சிறப்பாக பல அன்பர்களுடன் செய்திருந்தார். திரு.ஜெயவேலு அவர்கள் பர்வதமலை கிரிவலம் வருபவர்களுக்கு சாதாரண நாட்களிலும் வழிகாட்டியாகவும் சேவை செய்துவருகிறார் என்பது குறிப்பிடத்தக்கது. அவருக்கு இந்துசமயமன்றம் சார்பில் பாராட்டுக்கள் மற்றும் வாழ்த்துக்கள்!
திருவள்ளூர் மாவட்ட வளர்ச்சி ஆலோசனைக்கூட்டம்
ஸ்ரீகாஞ்சி காமகோடி பீடத்தின் சமய, கலாச்சார, பண்பாட்டு, சேவை அமைப்பான இந்துசமயமன்றம் திருவள்ளூர் மாவட்ட வளர்ச்சி ஆலோசனைக்கூட்டம் ஸ்ரீபெரியவர் அவதரித்த பெரியபாளையம் அடுத்த தண்டலம் கிராம சத்சங்க ஹாலில் இன்று 05.12.21 ஞாயிற்றுக்கிழமை மாலை ஸ்ரீகாஞ்சி ஆசார்ய ஸ்வாமிகள் அருளாசியுடன் நடைபெற்றது. இந்து சமுதாய முன்னேற்றம், திருக்கோவில் வழிபாடுகளில் விழிப்புணர்ச்சியை ஏற்படுத்துதல், கூட்டு வழிபாடுகள், திருப்பாவை திருவெம்பாவை போட்டிகள்,கல்வி மற்றும் மருத்துவ உதவிகள், தொழிற்கல்வியை பயிற்றுதல், ஆன்மீக புத்தகங்கள் வெளியிடுதல், உட்பட பல விஷயங்கள் மீதான கருத்தரங்கம், ஆலோசனைகள் பல சேவை பிரதிநிதிகளிடமிருந்துபெறப்பட்டது. இந்த நிகழ்வில் இந்துசமயமன்ற அமைப்பாளர்கள் புலவர் க. ஆத்ரேய சுந்தரராமன், முனைவர்.திரு.கலைராம.வெங்கடேசன், ஸ்ரீமதி.கௌரி வெங்கட்ராமன், ஸ்ரீமதி.வித்யாலக்ஷ்மி வேதகிரி,ஸ்ரீ.ஹரிஹர ன்ஜீ, ஸ்ரீ.M.K.ஸ்ரீதர்,ஸ்ரீ.செல்வன் ஆகியோர் பங்கேற்றனர்.
ஜகத்குரு ஸ்ரீ ஸ்வரூபானந்த சரஸ்வதி சுவாமி
பெங்களூரில் த்வாரகா பீடாதிபதி பூஜ்ய ஜகத்குரு ஸ்ரீ ஸ்வரூபானந்த சரஸ்வதி சுவாமிகளை காஞ்சி காமகோடி பீடம் ஜகத்குரு ஸ்ரீ ஸ்ரீ ஸ்ரீ பெரியவர்கள் சந்தித்தார்கள் .
