செங்கல்பட்டு மாவட்டம் களிவந்தப்பட்டு இருளர் மக்கள் வசிக்கும் பகுதியில் ஸ்ரீமஹாபெரியவர் அவதரித்த அனுஷ நக்ஷத்திரத்தன்று மாதந்தோறும் அன்னதானம் செய்ய அனுஷம் அமிர்தம் என்கிற பெயரில் ஏற்பாடு செய்யப்பெற்று இன்று 27.01.2022 வியாழக்கிழமை காலை ஸ்ரீகாஞ்சி ஆசார்ய ஸ்வாமிகள் அருளாசியுடன் நடைபெற்றது.
Month: January 2022
மறைமலைநகர் இந்துசமயமன்ற கிளை சார்பில் நடைபெற்ற போட்டிகள் பரிசளிப்புவிழா
செங்கல்பட்டு மாவட்டம் மறைமலைநகர் இந்துசமயமன்ற கிளை சார்பில் நடைபெற்ற மாணவ மாணவியர்க்கான திருப்பாவை-திருவெம்பாவை போட்டிகள் பரிசளிப்புவிழா 26.01.2022 புதன்கிழமை மறைமலைநகர் பூங்குன்றனார் தெரு திருமதி.பார்வதிரமணி அவர்கள் இல்ல வளாகத்தில் நடைபெற்றது. மறைமலைநகர் ஸ்ரீகிருஷ்ணபவனம் டிரஸ்ட் மற்றும் மறைமலைநகர் பிராமணர்சங்க போஷகர் ஸ்ரீ.ப்ரகாஷ் மற்றும் நிர்வாகிகள், இந்துசமயமன்ற மாநில அமைப்பாளர் புலவர்.க.ஆத்ரேய சுந்தரராமன், திருக்கோயில் எண்ணெய் வழங்கும் திட்ட பொறுப்பாளர் திரு.கே.இராமச்சந்திரன் ஆகியோர் கலந்துகொண்டனர். போட்டியில் பங்கேற்ற குழந்தைகளுக்கு ஸ்ரீகாஞ்சி ஆசார்ய ஸ்வாமிகள் அருளாசியுடன் சமயமன்ற சான்றிதழ், நித்யபாராயண புத்தகம், ப்ரசாதம் மற்றும் பிராமணசங்கம் சார்பில் பரிசுப்பொருட்கள் வழங்கப்பட்டது. சிற்றுண்டியுடன் விழா இனிதே நடந்தேறியது.
பொங்கல் விழா நிகழ்ச்சிகள்
ஸ்ரீகுருப்யோ நம!
இந்த வருடத்திற்கான பொங்கல் விழா நிகழ்ச்சிகள் கொரானோ ஊரடங்கு அரசின் விதிமுறைகளின்படி சமூக இடைவெளியை பின்பற்றி முககவசம் அணிந்து பங்கேற்க வேண்டுகிறோம்.
இந்த 2022 ஜனவரி மாதத்திலிருந்து காஞ்சி மஹாபெரியவர் அவதரித்த திருநக்ஷத்த்திரமான அனுஷ நக்ஷத்திரத்தில் அனுஷ அமிர்தம் சார்பில் களிவந்தப்பட்டு இருளர் பகுதி மற்றும் நலிவுற்றோருக்கு அன்னதானம் வழங்க ஏற்பாடு செய்யப்பட்டுள்ளது.
28வது வார்ஷிக ஆராதனை
இந்துசமயமன்றம் மற்றும் ஸ்ரீகாஞ்சி கைங்கர்ய சபா சார்பில் ஸ்ரீமஹாபெரியவர் அனுஷ பூஜை ஸ்வாமிகளின் 28வது வார்ஷிக ஆராதனை தினத்தையொட்டியும்,2022ம் வருடத்தில் லோகக்ஷேமத்திற்காக ப்ரார்த்தித்தும், பள்ளிக்கரணை மேப்பிள்டன் அப்பாசாமி அபார்ட்மெண்ட் பார்ட்டி ஹாலில் 31.12.2021 வெள்ளிக்கிழமை மாலை வெகுசிறப்பாக நடைபெற்றது. ஸ்ரீமஹாபெரியவருக்கு விசேஷ அபிஷேகம், பூஜைகள் நடைபெற்றது.சிரஞ்ஜீவி.ஆதித்யா,ரோஹித்,சூர்யா ஆகியோரின் ஸ்ரீபால ஸத்ஸங்கம் நாமஸங்கீர்த்தனம் வெகு சிறப்பாக இருந்தது. நன்மங்கலம்.ப்ரம்மஸ்ரீ.கணேச பாகவதர், வேளச்சேரி. ரகுநாத் லக்ஷ்மண் டிரஸ்ட் சாக்தஸ்ரீ.காசி ஸாஸ்த்ரிகள் விழாவிற்கு வந்து சிறப்பித்தனர். அனைவருக்கும் திருவாசகம் புஸ்தகம், ஸ்ரீகுருவாயூரப்பன் ப்ரசாதம், ஸ்ரீராமபட்டாபிஷேக படம் வழங்கப்பட்டது. மஹா ஆரத்தியுடன் அருட்ப்ரசாதம் மற்றும் இரவு சிறப்பான உணவு அனைவருக்கும் வழங்கப்பட்டது.
ஜயஜய சங்கர!
ஹரஹர சங்கர!
