பாரதப்பிரதமர் மதிப்பிற்குரிய ஸ்ரீமோதிஜியின் தாயார் ஸ்ரீமதி.ஹீராபென் அவர்களின் மறைவிற்கு இந்துசமயமன்றம் சார்பில் மனமார்ந்த அஞ்சலிகளை தெரிவிக்கிறது. ஆழ்ந்த இரங்கல்கள்!
அம்மையாரின் ஆத்மா இறைவனின் திருவடிகளில் இளைப்பாற ஸ்ரீமஹாபெரியவரின் திருவடிகளில் ப்ரார்த்திக்கிறோம்.
மாநில அமைப்பாளர்கள் மற்றும அன்பர்கள்
இந்துசமயமன்றம்
ஸ்ரீகாஞ்சி காமகோடி பீடத்தின் சமய, கலாச்சார, பண்பாட்டு,சேவை அமைப்பு.
இன்று (20.12.2022 , செவ்வாய் கிழமை) மஹாபெரியவர் ஆராதனை மறைமலைநகர் டாக்டர் அகிலாராம்குமார் அவர்கள் இல்லத்தில் வேதபாராயணம், ருத்ராபிஷேகம், புஷ்பாஞ்சலி என வெகுவிமரிசையாக இந்துசமயமன்றம் சார்பில் நடைபெற்றது. மறைமலைநகர் பிராமணர் சங்கம், நாராயணீய குழு என பலரும் கலந்துகொண்டனர்.
ஸ்ரீகுருப்போ நம!
ஸ்ரீகாஞ்சி காமகோடி பீடத்தின் 68வது ஆசார்யர் ‘ஸுக்ஷ்ம ஸ்வரூபமாக நடமாடும் தெய்வம்’ ‘காஞ்சி மஹாபெரியவர்’ ஜகத்குரு ஸ்ரீஸ்ரீஸ்ரீ சந்திரசேகரேந்த்ர ஸரஸ்வதி சங்கராச்சார்ய மஹாஸ்வாமிகளின் புண்ய ஆராதனை தினமான இன்றைக்கு ஸ்ரீஸ்ரீஸ்ரீமஹாபெரியவர் திருவடிக்கமலங்களில் அவர் தோற்றுவித்த ஸ்ரீகாஞ்சி காமகோடி பீடத்தின் சமய,கலாச்சார, பண்பாட்டு,சேவை அமைப்பான இந்துசமயமன்றம் ஹ்ருதயபூர்வமான பக்தியுடன் நமஸ்கரித்து புஷ்பாஞ்சலிகளை சமர்ப்பிக்கிறது.
மாநில அமைப்பாளர்கள் மற்றும் இந்துசமயமன்றக் கிளை
அமைப்பாளர்களும் அன்பர்களும்.
இந்துசமயமன்றம் சார்பில் மார்கழி முதல்நாள்(16.12.2022 வெள்ளிக்கிழமை) பர்வதமலை கிரிவல அன்பர்களுக்கு அன்னதானம் ஸ்ரீகாஞ்சி ஆசார்ய ஸ்வாமிகள் அருளாசியுடன் மிகச்சிறப்பாக நடைபெற்றது. இந்துசமயமன்ற மாநில அமைப்பாளர் புலவர் ஆத்ரேய சுந்தரராமன் ஆலோசனையின் பேரில் பர்வதமலை அடிவார கிராமமான கடலாடி இந்துசமயமன்ற கிளை அமைப்பாளர் திரு.ஜெயவேல் அவர்கள் சிறப்பாக ஏற்பாடுகளை செய்தார். மாடம்பாக்கம் ஜனகல்யாண் ஸ்ரீ.ஸாயிராம் மற்றும் ஸ்ரீநந்தீஸ்வரர் உழவாரப்பணிமன்ற செயலாளர் ஸ்ரீ.மணிவண்ணன் மற்றும் நண்பர்கள் இந்த நிகழ்ச்சிக்கு பல உதவிகள் செய்தும் நேரில் வருகைதந்து சிறப்பித்தனர்.
பழங்குடி மக்கள் பகுதியில் அவர்களின் முழு ஈடுபாட்டோடு இந்துசமயமன்றம் சார்பில் திருக்கார்த்திகை தீபவிழா. இல்லந்தோறும் இனிய தீபத்திருவிழா.
ஸ்ரீமந்நாராயணீய பாராயண வைபவத்திற்காக அன்பர்கள் மனமுவந்தளித்த திருமாங்கல்யங்கள் மற்றும் வஸ்த்ரங்கள் ஸ்ரீகாஞ்சிமஹாபெரியவர் மற்றும் ஸ்ரீஜயேந்த்ர சரஸ்வதி ஸ்வாமிகள் அதிஷ்டானங்களில் இன்று (7.12.2022) பௌர்ணமி நன்னாளில் சமர்ப்பிக்கப்பட்டு குருவருள் வேண்டி ப்ரார்த்தனை செய்யப்பட்டது.
