மறைமலைநகரில் இன்று 25.02.23 சனிக்கிழமை மறைமலைநகர் பிராமணர்சங்கம் சார்பில் வெகுவிமரிசையாக ஏற்பாடு செய்யப்பட்ட திருவாசக முற்றோதுதல் நிகழ்ச்சியில் இந்துசமயமன்ற அன்பர்கள் கலந்துகொண்டு முற்றோதுதலை சிறப்பாக நடத்திவைத்தனர். அடியார்களுக்கு அமுது செய்விக்கப்பட்டு தாம்பூலப்பை வழங்கப்பட்டது.
Month: February 2023
மஹாசிவராத்திரியை யொட்டி விசேஷ பக்திபாடல் நிகழ்ச்சி சிறப்பாக நடைபெற்றது
மறைமலைநகரில் இந்துசமயமன்றம் சார்பில் இன்று (18.02.23 சனிக்கிழமை) ஸ்ரீசங்கர விஜயேந்திர சரஸ்வதி ஸ்வாமிகள் ஜயந்தி மற்றும் மஹாசிவராத்திரியை யொட்டி விசேஷ பக்திபாடல் நிகழ்ச்சி சிறப்பாக நடைபெற்றது. ஸ்ருதிலயா இசைப்பள்ளியைச்சேர்ந்த நாற்பதுக்கும் மேற்பட்ட குழந்தைகள் ஆசிரியை ஸ்ரீமதி.மஹாலட்சுமி அவர்களுடன் கலந்துகொண்டு அற்புதமாக பாடினர். அனைத்து குழந்தைகளுக்கும் சான்றிதழ் மற்றும் பரிசுகள், புத்தகங்கள் வழங்கப்பட்டது. இரவு ப்ரசாதம் (சர்க்கரை பொங்கல், வடை, சுண்டல், அரிசி உப்புமா வழங்கப்பட்டது.
இந்துசமயமன்றத்தின் சார்பில் மஹாசிவராத்திரி வாழ்த்துக்கள்! “சிவநாமம் ஜபிப்போம்”
ஸ்ரீ குருப்யோ நம!
ஸ்ரீ சங்கர பகவத்பாதாசார்ய மூலாம்னாய ஸர்வக்ஞ பீடம் ஸ்ரீ காஞ்சி காமகோடி பீடத்தின் 70 பீடாதீச்வரராய் விளங்கும் ஞானகுருநாதர் ஜகத்குரு ஸ்ரீ ஸ்ரீ ஸ்ரீ சங்கர விஜயேந்த்ர ஸரஸ்வதி சங்கராச்சார்ய மஹாஸ்வாமிகளின் 55வது ஜயந்தி மஹோத்ஸவ புனித நந்நாளில் ஸ்ரீ ஸ்வாமிகளின் பொற்பதங்களில் இந்துசமயமன்றம் பக்தியுடன் அனந்தகோடி நமஸ்காரங்களை சமர்ப்பிக்கிறது.
ஸ்ரீ காஞ்சி மஹாபெரியவரால் 1972 ல் தோற்றுவிக்கப்பட்டு பொன்விழா கண்ட ஸ்ரீ காஞ்சி சங்கர மடத்தின் சமய, கலாச்சார,பண்பாட்டு,சேவை அமைப்பான இந்துசமயமன்றம் ஸ்ரீ ஸ்வாமிகளின் அருள்வழிகாட்டுதலில் மக்கள் சேவையாற்றிவருகிறது.
இவண்,
புலவர்.க.ஆத்ரேய சுந்தரராமன்
முனைவர்.கலைராம.வெங்கடேசன்
ஸ்ரீ மதி.கௌரி வெங்கட்ராமன்
மற்றும்
கிளை அமைப்பாளர்கள்,
சமயமன்ற அன்பர்கள்,
இந்துசமயமன்றம்.
ஸ்ரீபெரியவர் அவதரித்த தண்டலம் வேதபாடசாலையில் ஸ்ரீபெரியவர் ஜயந்தி மஹோத்ஸவத்தில் இந்துசமயமன்ற நிர்வாகிகளுக்கு ப்ரசாதம் வழங்கப்படும் காட்சி
வேதபாடசாலை வளாகத்தில் கோபூஜை
ஸ்ரீகாஞ்சி காமகோடி பீடம் ஜகத்குரு ஸ்ரீஸ்ரீஸ்ரீசங்கர விஜயேந்திர சரஸ்வதி சங்கராச்சார்ய ஸ்வாமிகள் 55வது ஜயந்தி விழாவை முன்னிட்டு ஸ்வாமிகள் அவதரித்த திருவள்ளூர் மாவட்டம் பெரியபாளையம் அடுத்த தண்டலத்தில் வேதபாடசாலை வளாகத்தில் கோபூஜை இந்துசமயமன்றம் சார்பில் வெகு விமரிசையாக இன்று 15.02.23 புதன் கிழமை நடைபெற்றது.
திருப்பாவை திருவெம்பாவை போட்டிகள் பரிசளிப்பு விழா
12.02.2023 ஞாயிற்றுக்கிழமை மறைமலைநகரில் பள்ளி மாணவ மாணவியருக்கான வருடாந்திர திருப்பாவை திருவெம்பாவை போட்டிகள் பரிசளிப்பு விழா நடைபெற்றது. மறைமலைநகர் NH2 அருள்மிகு முத்துக்குமாரசாமி ஆலய வளாகத்தில் நடைபெற்ற இவ்விழாவை மறைமலைநகர் பிராமணர்சங்கம் மற்றும் வேதபாரதி அமைப்புடன் இந்துசமயமன்றம் இணைந்து நடத்தியது. இந்த விழாவில் ஸ்ரீமஹாபெரியவர் உற்சவத்திருமேனியாக எழுந்தருளினார். வேதபாரதி அமைப்பின் ஸ்ரீகிருஷ்ண ஜகந்நாதன்ஜி சிறப்புரை ஆற்றினார். வேதபாரதி ஸ்ரீவெங்கட்ராமன்ஜி, பிராமணர்சங்கத்தலைவர் ஸ்ரீ.ப்ரகாஷ், இந்துசமயமன்ற மாநில அமைப்பாளர்.புலவர்.க.ஆத்ரேய சுந்தரராமன் மற்றும் நிர்வாகிகள், தோழமை அமைப்பு நிர்வாகிகள், உறுப்பினர்கள் பங்கேற்றனர். போட்டிகளில் பங்கேற்ற குழந்தைகளுக்கு சான்றிதழ், புத்தகங்கள், அழகிய நினைவுப்பரிசு வழங்கப்பட்டது.
இந்துசமயமன்றம் சார்பில் நடைபெற்ற திருப்பாவை திருவெம்பாவை போட்டிகள்
இந்துசமயமன்றம் சார்பில் நடைபெற்ற திருப்பாவை திருவெம்பாவை போட்டிகள் தஞ்சாவூர் பாபநாசம் அருகில் உமையாள்புரம் உயர்நிலைப்பள்ளில் நடைபெற்றது. வெற்றிபெற்ற குழந்தைகளுக்கு மிகச்சிறந்த சமயச்சொற்பொழிவாளரும், அப்பகுதி இந்துசமயமன்ற அமைப்பாளருமான ஸ்ரீமதி.லலிதா வெங்கடேசன் அவர்கள் வாழ்த்தி சான்றிதழ் மற்றும் பரிசு வழங்கினார்கள். இந்துசமயமன்றம் சார்பில் மாணவ , மாணவியருக்கு வாழ்த்துக்களையும், பள்ளி நிர்வாகம் மற்றும் ஆசிரியப்பெருமக்களுக்கு நன்றிகளையும் தெரிவிக்கிறோம். இந்த சத்கைங்கர்யத்திற்கு முயற்சி எடுத்த அன்பு ஸஹோதரி.ஸ்ரீமதி லலிதா வெங்கடேசன் அவர்களுக்கு நெஞ்சார்ந்த நன்றிகள்!
ஸ்ரீகாஞ்சி மஹாபெரியவர் பஞ்சலோகவிக்ரஹஸ்வரூப மூர்த்தியை சென்னை பள்ளிக்கரணை காமகோடிநகர் வேதபாடசாலைக்கு சமர்ப்பணம்
ஸ்ரீகுருப்யோ நம!
இந்துசமயமன்றத்தின் பொன்விழாவையொட்டி ஸ்ரீகாஞ்சி மஹாபெரியவர் பஞ்சலோகவிக்ரஹஸ்வரூப மூர்த்தியை சென்னை பள்ளிக்கரணை காமகோடிநகர் வேதபாடசாலைக்கு சமர்ப்பணம் செய்யும் நிகழ்ச்சி 03.02.23 வெள்ளிக்கிழமை நடைபெற்றது. இந்துசமயமன்ற வியாசர்பாடி அமைப்பாளர் ஸ்ரீஹரிஹரன்ஜி அவர்கள் இல்லத்திலிருந்து வேதபாடசாலைக்கு ஊர்வலமாக கொண்டுவரப்பட்டு வேதமந்திரங்கள் முழங்க அபிஷேக, ஆராதனைகள் ஸ்ரீமஹாபெரியவாளுக்கு சிறப்பாக நடைபெற்றது. சாக்தஸ்ரீ.காசி ஸாஸ்த்ரிகள் விழாவிற்கு வருகைதந்து சிறப்பித்தார்.பக்தி ச்ரத்தையுடன் செய்யப்பெற்ற இந்த சமர்ப்பண நிகழ்விற்கு இந்துசமயமன்ற மாநில அமைப்பாளர்.புலவர்.க.ஆத்ரேய சுந்தரராமன், ஸ்ரீ.ஜெயராமன்ஜி மற்றும் பாடசாலை டிரஸ்டிகள் வந்திருந்தனர். திவ்ய விக்ரஹ ஸ்வரூப மஹாபெரியவர் இனி காமகோடிநகர் வேதபாடசாலையில் வீற்றிருந்து அருள்பாலிப்பார். அனுஷந்தோறும் விசேஷ பூஜைகள் நடைபெறும். ஏற்கனவே ஸ்ரீபுதுப்பெரியவர் விக்ரஹ மூர்த்தி சாக்தஸ்ரீ.காசி ஸாஸ்த்ரிகளிடம் சமர்ப்பிக்கப்பட்டதையும் நினைவுகூர்கிறோம். மிகவும் உத்தமமான இடங்களில் இரண்டு பெரியவாளும் வீற்றிருந்து பக்தர்களுக்கு அருள்பாலிக்க இருப்பதை மிகுந்த மனமகிழ்ச்சியுடன் அன்பர்களுடன் பகிர்ந்து கொள்கிறோம்.
