Month: October 2024

இந்துசமயமன்றம் சார்பில் வழக்கம்போல தீபாவளி பண்டிகை புது வஸ்த்ரம், பக்ஷணங்கள் பல்வேறு இடங்களில் வழங்கப்பட்டது. நல்ல உள்ளங்களின் பேராதரவுடன் நமது தொடர்பிலுள்ள மாதாமாதம் சுத்தமான நல்லெண்ணெய் வழங்கும் திருக்கோவில்கள், வேதபாடசாலைகள், பழங்குடியினர் பகுதிகள் என இந்த முறை நாம் கடந்த தடவையைவிட அதிக இடங்களில் கைங்கர்யம் செய்ய வாய்ப்பை ஸ்ரீகாஞ்சிப்பெரியவர்கள ஏற்படுத்திக்கொடுத்தார்கள். அவரது அளப்பரிய கருணையை மனதில் இருத்தி மேலும் பணி செய்வோம். உதவிய அனைத்து நல்லுள்ளங்களுக்கும் ஸ்ரீகாஞ்சி மஹாபெரியவர் கருணாகடாக்ஷம் என்றென்றும் நிலைத்திருக்க ஸ்ரீசரணர்களை ப்ரார்த்திக்கிறோம்.
புலவர்.க.ஆத்ரேய சுந்தரராமன்
ஸ்ரீமதி.கௌரி வெங்கட்ராமன்
முனைவர்.கலைராம.வெங்கடேசன்
இந்துசமயமன்றம்

இந்துசமய மன்ற கன்யாபூஜை , சுவாசினி பூஜை பொருட்களை ஸ்ரீபெரியவர் ஆசீர்வதிக்கிறார்.

நவராத்ரி விழாவிற்காக காஞ்சி ஸ்ரீமடத்திற்கு வருகைதந்த இந்துசமயமன்ற பாராயண குழுவிற்கு, ஸ்ரீசரணர்கள், ஒவ்வொருவரையும் அழைத்து ப்ரசாதம் கொடுத்து ஆசீர்வதிக்கும் காட்சிகள்.

இந்துசமயமன்றத்தின் சார்பில் இன்று 08.10.24 செவ்வாய்கிழமை காஞ்சீபுரம் ஏனாத்தூர் ஸ்ரீசங்கரா கலை மற்றும் அறிவியல் கல்லூரி அரங்கத்தில் ஸ்ரீகாஞ்சி ஆசார்ய ஸ்வாமிகள் அருளாசியுடன் நடந்த கன்யா பூஜை, ஸுவாஸினி பூஜை மற்றும் ஸ்தோத்திர பாராயணங்கள். சென்னையின் பல பகுதிகளிலிருந்தும் வந்திருந்த அன்பர்கள் அனைவருக்கும் ஸ்ரீபெரியவர்கள் மிகுந்த சந்தோஷத்துடன் ஒவ்வொரு இந்துசமயமன்ற உறுப்பினரையும் அழைத்து ஆசி வழங்கினார்கள். ஸ்ரீசங்கரா கல்லூரி சார்பில் கல்லூரி முதல்வரும் இந்துசமயமன்ற அமைப்பாளருமான முனைவர்.கலைராம.வெங்கடேசன் அவர்கள் கலந்துகொண்டவர்களுக்கு தாம்பூலப்பை ப்ரசாதம் வழங்கினார்கள்.இந்த நிகழ்ச்சியில் இந்துசமயமன்ற மற்ற இரு மாநில அமைப்பாளர்கள் புலவர்.க.ஆத்ரேய சுந்தரராமன் மற்றும் ஸ்ரீமதி.கௌரி வெங்கட்ராமனும் கலந்துகொண்டார்கள்.

ஆதம்பாக்கத்தில் நமது இந்துசமயமன்றம், ஸ்ரீகாஞ்சி கைங்கர்ய சபா அனுஷ பூஜை. நமது மறைமலைநகரில் வீற்றிருந்த பெரியவருக்கு பூஜை

ஸ்ரீபெரியவா சாதுர்மாஸ்ய பூர்த்தி விஜயயாத்திரையில் கோலாட்டம் ஆடிய மகளிர் குழுவினருக்கு ஸ்ரீபெரியவா ஆசீர்வதித்தளித்த நினைவுப்பரிசு மறைமலைநகர் பிராமணர்சங்கம், வேதபாரதி, ஸ்ரீபாஞ்சஜன்யம் பாராயணக்குழு, ஸ்ரீசரணாகதி பாராயணக்குழு, அகிலபாரத அய்யப்ப சேவாசங்கம் நிர்வாகிகளுக்கு இந்துசமயமன்ற மாநில அமைப்பாளர் புலவர்.க.ஆத்ரேய சுந்தரராமன் அவர்களால் வழங்கப்பட்டது.

மறைமலைநகர் பிராமணர்சங்கம், இந்துசமயமன்றம், வேதபாரதி இணைந்து நடத்திய நவராத்ரி விழா மிகபிரம்மாண்டமாக சிறப்பாக 06.10.24 ஞாயிறன்று நடைபெற்றது. 16 கன்யா பூஜை, 16 ஸுவாஸினி பூஜை, 12 வடுக பூஜை, 27 தம்பதி பூஜை என மிகச்சிறப்பாக நடைபெற்ற வைபவத்தில் சில காட்சிகள். அடியேனுக்கு இந்த வைபவத்தை நடத்தித்தர பெரும்பாக்கியம் கிடைத்தது ஸ்ரீபெரியவாளோட அனுக்ரஹம்.