மிகப்பழைமை வாய்ந்த சோழநாட்டு சைவத்திருத்தலங்களில் ஒன்றும், வருணபகவானால் பூஜிக்கப்பட்ட பெருமை வாய்ந்ததும், அதிசயமான நடராஜர் வீற்றிருக்கும் கோனேரிராஜபுரத்திற்கு மிக அருகாமை சிவத்தலமும், ஸ்ரீகாஞ்சி மஹாபெரியவர் மற்றும் ஸ்ரீபுதுப்பெரியவரால் பூஜிக்கப்பட்ட திருத்தலமும் ஆன சிவனார் அகரம் ஸ்ரீஜலமுகளாம்பிகை சமேத ஸ்ரீவாருணீச்வரஸ்வாமி திருக்கோவிலில் ஏகாதச ருத்ராபிஷேகம் ஸ்ரீகாஞ்சி சங்கராச்சார்ய ஸ்வாமிகள் அருளாசியுடன் வருகிற 11.07.22 திங்கட்கிழமை சோமப்ரதோஷ நன்னாளில் வேதோக்தமாக நடைபெற உள்ளது. கடந்த நான்கு வருடங்களுக்கு முன்பு சென்னையில் தண்ணீர் பஞ்சம் ஏற்பட்டபோது ஸ்ரீகாஞ்சி காமகோடி பீடாதீச்வரரான ஜகத்குரு ஸ்ரீஸ்ரீஸ்ரீசங்கர விஜயேந்திர சரஸ்வதி ஸ்வாமிகளை இந்துசமயமன்றம் சார்பில் ப்ரார்த்திக்க ஸ்ரீஸ்வாமிகள் ஏகாதச ருத்ராபிஷேகம் விசேஷ ஸ்தலமான சிவனார்அகரத்தில் செய்ய பணித்தருள அதன்படியே மிக விமரிசையாக நடந்த அந்த அபிஷேகம் பூர்த்தியானதும் அன்று மாலையே மழை வருஷித்தது. தண்ணீர் பஞ்சம் தீர்ந்தது. அடுத்த வருஷமும் அபிஷேகம் வெகுசிறப்பாக நடைபெற்று மாலை மழை பெய்தது கண்கூடு.கொரானோவினால் தடைபட்ட அபிஷேகம் இந்த வருடம் சிறப்பாக ஈசனருளால் நடைபெற இந்துசமயமன்றம் சார்பில் முயற்சி எடுக்கப்பட்டு வருகிறது.இந்த புனித கைங்கர்யத்திற்கு அனைவரையும் பங்கு கொள்ள அழைக்கிறோம்.
இந்துசமயமன்றம்
மற்றும் சிவனார் அகரம் கிராமப்பொதுமக்கள்.
