இந்துசமயமன்றம் மற்றும் ஸ்ரீசித்தாந்தா பவுண்டேஷன் சார்பில் 01.08.2020 சனிக்கிழமை அன்று மறைமலைநகர் நகராட்சி களிவந்தப்பட்டு கிராமத்தில் முககவசம் வழங்கப்பட்டது. ஸ்ரீசித்தாந்தா பவுண்டேஷன் ஸ்ரீகிருஷ்ணன்,இந்துசமயமன்றம் புலவர் க ஆத்ரேய சுந்தரராமன், ஸ்ரீநந்தீஸ்வரர் உழவாரப்பணிக்குழு ஸ்ரீ.மணிவண்ணன், ஸ்ரீநந்தி சித்தர் பீடம் ஸ்ரீராமச்சந்திரன், ஊர்பிரமுகர் ஸ்ரீ.கருணாகரன், ஸ்ரீஆலய தரிசனம் யுடியூப் சேனல் ஸ்ரீ.சரவணன் ஆகியோர் வருகைபுரிந்தனர்.
மஹாலக்ஷ்மி அளவற்ற செல்வத்தின் அதிதேவதை. அவளுடைய அருள் கடைக்கண் பார்வை இருந்தாலும் போதும் ஒரு மனிதன் வாழ்வில் வளம்பெற.உலகைக்காக்கும் ஸ்ரீமன்நாராயணனின் திருமார்பில் நித்யவாஸம் செய்யும் லக்ஷ்மியை வணங்கி அவள் அருளோடு ஆவணியில் விநாயகர் சதுர்த்தி, ஸ்ரீகிருஷ்ண ஜயந்தி, நவராத்திரி, தீபாவளி என வரிசையாக அனைத்து பண்டிகைகளையும் கொண்டாடுகிறோம். கொரோனா நோய்தொற்றுக்காலத்தில் உலகமே அவதியுறும் தற்காலத்தில் ஆரோக்கிய லக்ஷ்மியாய், இல்லத்து கஷ்டங்களை நீக்கும் ஐஸ்வர்ய லக்ஷ்மியாய், எதையும் எதிர்கொள்ள தைரிய லக்ஷ்மியாய் நாம் வேண்டியதை வரமாய் நல்கும் வரலக்ஷ்மியாய் நம் இல்லத்திற்கு வருகைபுரிய மாலவன் மார்பில் வாழும் மங்கல கமலச்செல்வியை வேண்டுவோம். நல்லதே நடக்கும்.நம் முயற்சிகள் யாவற்றிலும் ஸ்ரீகாஞ்சி மாமுனிவர் துணை நிற்க ப்ரார்த்திப்போம்.
அனைத்து அன்பர்களுக்கும் ஸ்ரீவரலக்ஷ்மி நோன்பு தின வாழ்த்துக்கள்!
இந்துசமயமன்றம்
(ஸ்ரீகாஞ்சி காமகோடி பீடத்தின் சமய கலாச்சார பண்பாட்டு சேவை அமைப்பு)
ஸ்ரீசித்தாந்தா பவுண்டேஷன் ஆதரவில் இந்துசமயமன்றம் சார்பில் முககவசம் வழங்கும் நிகழ்ச்சி கூடுவாஞ்சேரியில் புலவர் க. ஆத்ரேய சுந்தரராமன் அவர்கள் முன்னிலையில் நமது சமயமன்ற அன்பர் திரு.கலைச்செல்வன் அவர்கள்,(ஜெய் கேஸ் ஏஜென்சி உரிமையாளர்) கேஸ் விநியோகம் செய்யும் பணியாளர்கள், வடமாநில தொழிலாளர்கள், மகளிருக்கு வழங்கினார். உடன் திருக்கோவில் எண்ணெய் வழங்குதல் பொறுப்பாளர் திரு. க.இராமச்சந்திரன் உடன் இருந்தார். முககவசத்தின் பயன்பாடு மற்றும் கொரோனா விழிப்புணர்வு பிரச்சாரம் செய்யப்பட்டது.
துர்கா – துர்கதி நாசினி என்று கூறுவோம். அனைத்துவிதமான இடர்களையும் துக்கங்களையும் போக்குபவள் துர்க்கை. இந்த கலி காலத்தில் துர்க்கை கண்கண்ட தெய்வமாவாள். துர்காம்பிகையை ஆராதித்தால் நம்மைச்சூழ்ந்துள்ள கேடுகளை அகற்றி நமக்கு இன்பத்தை வாரிவழங்குவாள். துர்கையை ஆராதிக்க செவ்வாய் கிழமையும் அஸ்வினி நக்ஷத்திரமும் ஒன்றாக அமைந்துள்ள 16.6.20 அன்று மிக விசேஷமாகும் என காஞ்சி ஸ்ரீஆசார்யாள் அருளியுள்ளார் . அன்று அழகான தமிழில் துர்க்கை துதிப்பாடல்களை பாடி வழிபடலாம். ஸ்ரீதுர்க்கைச்சித்தர் அருளிய பாடல்களை மனமுருக பாடுங்கள். வடமொழியில் ஸ்ரீதுர்கா சப்தச்லோகி என்று ஏழு ஸ்லோகங்கள் உள்ளன. தேவி மஹாத்மியத்தின் சாரம் அது. சண்டீ ஹோமத்தில் ப்ரயோகிக்கப்படும் அந்த ஸ்லோகங்களை உச்சரிப்பு பிழை இல்லாமல் சொல்லலாம். ஸ்ரீதுர்க்கைச்சித்தர் ஸ்வாமிகள் அனைவரும் பயன்பெற தன்னுடைய அனுபூதியில் கண்ட அம்பாளை அதியற்புதமாக தோத்திரங்களில் பக்திச்சுவை சொட்டச்சொட்ட பாடி அருளியுள்ளார். கொடுமையான கொரோனா நோய் அரக்கனின் பிடியிலிருந்து விடுபட ஸ்ரீதுர்காம்பிகையை வணங்கி ப்ரார்த்திப்போம். இந்துசமயமன்றம்.
கேரளாவில் வெடிவைத்து கொடூரமாக மனிதத்தன்மையற்ற மிருகங்களால் கொல்லப்பட்ட கர்ப்பிணி யானைத்தாய்க்கு அஞ்சலி செலுத்தும் விதமாக 7.6.2020 ஞாயிற்றுக்கிழமை மாலை 6.01 க்கு நமது இல்லத்தில் உள்ள வினாயகப்பெருமான் திருமுன்னர் விளக்கேற்றி அந்த ஜீவனுக்கு மாத்திரமல்ல இதுபோன்று கொல்லப்படும் எண்ணற்ற வாயில்லா ஜீவன்களின் ஆன்மா சாந்தியடைய ப்ரார்த்திப்போம். வினாயகர் அகவல் படித்து இந்த பரிதாப ஜீவன்களுக்காக வேண்டுவோம்.
ஸ்ரீகாஞ்சி மஹாபெரியவர் மார்கழி ஒன்றாம்தேதி மலையே மல்லிகார்ஜுனராக வீற்றிருக்கும் பர்வதமலையை மலைவலம் வந்தார்கள். இன்றும் மார்கழி ஒன்றாம்தேதி லக்ஷக்கணக்கானவர்கள் ஸ்ரீபெரியவாளை அடியொற்றி கிரிவலம் வருகிறார்கள். பர்வதமலை அடிவாரத்தில் கடலாடி என்னும் அழகிய சிற்றூர் உள்ளது. அங்கே நமது இந்துசமயமன்றக்கிளை உள்ளது. நாடுமுழுவதும் கொரோனா பாதிப்பினால் மக்கள் அவதிப்படும் இந்த நேரத்தில் கடலாடி மக்களுக்கு மிகவும் உணவின்றி கஷ்டப்படும் மக்களுக்கு உதவி வேண்டி கடலாடி கிளை அமைப்பாளர் திரு.ஜெயவேலு செய்தி அனுப்பினார். வழக்கம்போல ஸ்ரீகாஞ்சி கைங்கர்யசபா அன்பர்கள் மகிழ்ச்சியுடன் உதவினர். மாடம்பாக்கம் ஜனகல்யாண் ஸ்ரீசாய்ராம் அவர்களிடம் உதவி கேட்க சந்தோஷமாக உதவ முன்வந்தார்.
சென்னையிலிருந்து செல்ல இயலாத நிலையில் போளூர் வேதபாடசாலை முதல்வர் ப்ரும்மஸ்ரீ.மஹாபலேஷ்வர் பட் அவர்களிடம் உதவ வேண்டினோம். அவரும் பர்வதமலை பாதுகாப்பு குழு ஸ்ரீ.சதீஷ்ஜியுடன் உடன் அதற்கு வேண்டிய மளிகை பொருட்களை வாங்கி அழகான ஜிப் போட்ட துணிப்பையில் வைத்து தயார் செய்தார்கள். இன்று வைகாசி அனுஷம். ஸ்ரீமஹாபெரியவர் ஜயந்தி அன்று கடலாடி சென்று விநியோகிக்க முடிவுசெய்யப்பட்டது.
இனியமாலைப்பொழுதில் ஸ்ரீபட் ஜி அவர்கள் வாழ்த்துரையுடன் ஸ்ரீபெரியவா படம், ப்ரசாதத்துடன் மக்களுக்கு உதவிப்பொருட்கள் வழங்கப்பட்டது.
முக கவசம் அணிந்து சமூக இடைவெளியை பின்பற்றி முறையாக பொருட்கள் வழங்கப்பட்டது.
ஸ்ரீமஹாபெரியவர் எளிமையையே விரும்பினார்.
எளிய மக்களுக்கு
உதவி செய்வதையே போதித்தார்.
அதற்காகவே இந்துசமயமன்றம் துவக்கினார்.
அதேபோல சேவைக்காகவே அவரின் அன்புச்சீடரான ஸ்ரீஜெயேந்திர ஸ்வாமிகள் ஜனகல்யாண் இயக்கம் கண்டார்.
இவ்விரண்டும் இணைந்து வேதவிற்பன்னரான ஸ்ரீ.பட் ஜி அவர்கள் மூலமாக ஸ்ரீபெரியவர் ஜயந்தி அன்று அவர் திருவடி தோய்ந்த அந்த புனித மண்ணின் மைந்தர்களுக்கு வழங்கப்பட்டது.
அனைத்தும் ஸ்ரீஆசார்ய மும்மூர்த்திகளின் அபார கருணையாலேயே ஸாத்தியமாயிற்று!
“ஸர்வம் ஸ்ரீசந்திரசேகரம்”
அன்பர்களே,
வணக்கம்!
இன்று வைகாசி அனுஷ நக்ஷத்திரம்.
உலகம் போற்றும் ஸ்ரீகாஞ்சி மாமுனிவர் மஹாபெரியவர் திருநக்ஷத்திரம்.
நூறாண்டுக்காலம் நம்மிடையே வாழ்ந்து தன் தவ வலிமையால் உலகில் சனாதன தர்மத்தை பரப்பி, தன் ஞானத்தினால் உலகின் காரிருள் மறைய உதவி, தன் தூய தவ வாழ்வினால் உலகம் முழுக்க கொண்டாடும் அற்புத தவசீலராய், நடமாடும் தெய்வமாய் விளங்கியவர் ஸ்ரீபரமாச்சாரியார் ஸ்ரீஸ்ரீஸ்ரீசந்த்ரசேகரேந்திர சரஸ்வதி மஹாஸ்வாமிகள் ஆவார்.
தொன்மையான ஸ்ரீசங்கர பகவத்பாதரின் குருபரம்பரையில் ஸ்ரீஆதிசங்கரர் ஏற்படுத்திய மூலாம்னாய ஸர்வக்ஞபீடமென்னும் ஸ்ரீகாஞ்சி காமகோடி பீடத்தின் 68வது ஆசார்ய ஸ்வாமிகளாய் சிறுவயதில் சன்யாஸ தர்ம பீடத்தை அலங்கரித்து சர்வ சாஸ்த்ர வல்லுனராக ப்ரத்யக்ஷமான பரமேச்வர ஸ்வரூபமாக விளங்கியவர்.
இந்து மதத்தின் மேன்மையை அதன் சிறப்பை மக்களுக்கு உணர்த்தி சேவை செய்ய வைக்க “இந்துசமயமன்றம் ” என்ற சமய கலாச்சார பண்பாட்டு சேவை அமைப்பினை 1972ல் தோற்றுவித்தருளியவர். இந்த வைகாசி அனுஷத்திருநாள் “இந்துசமயமன்ற ஸ்தாபகர் திருநாள்” ஆகும்.பாரதம் முழுவதும் தன் திருப்பாதம் தோய நடந்து தர்ம ஒளிகாட்டி, கருணை மழை பொழிந்து, காஞ்சிபுரம் ஸ்ரீமடத்தில் ப்ருந்தாவனத்தில் வீற்றிருந்து இன்றும் அருளும் ஸ்ரீமஹாஸ்வாமிகளின் பொன்னடிகளில் இந்துசமயமன்றம் தன் ஹ்ருதயபூர்வமான பக்தியுடன் அனந்தகோடி நமஸ்காரங்களை சமர்ப்பிக்கிறது.
அவர் காட்டிய வழியில், இன்றளவும் அருள்பரப்பும் ஸ்ரீகாஞ்சி ஆசார்ய ஸ்வாமிகளை வணங்கி அவர்கள் அருள்வழிகாட்டுதலோடு இந்துசமயமன்றம் தன் சேவையைத்தொடர்கிறது.
புலவர் க ஆத்ரேய சுந்தரராமன்
கௌரி வெங்கட்ராமன்
மாநில அமைப்பாளர்கள் மற்றும் சமயமன்ற அன்பர்கள்.
ஸ்ரீகாஞ்சி காமகோடி பீடத்தின் சமய கலாச்சார பண்பாட்டு சேவை அமைப்பான இந்து சமய மன்றம்.
1)இவர் மிக இளம் வயதிலேயே சந்நியாசம் மேற்கோண்ட காஞ்சி சங்கர மடாதிபதியாவார்.
2)பத்து வயதிலேயே அப்பொறுப்பிற்கு வந்தவர்.
3)நான்கு வேதம், ஆறு சாஸ்த்திரம், புராணங்களை சுயமாக கற்றுத் தேர்ந்தவர்.
4)சுமார் 18 மொழிகளில் பேச எழுத படிக்கத் தெரிந்தவர்.
5)தமிழ் மொழி குறிப்பாக கல்வெட்டு மொழிகளில் இலக்கணத்தோடு விவாதிக்கும் ஆற்றல் பெற்றவர்.
6)இந்து மத வேதங்கள் உபநிடதங்கள் தழைக்க அருளியவர்.
7)எண்ணற்ற வசதிகள் அருட்கொடையாளர்கள் வழங்கிய போதும் கால்நடையாகவே இந்தியா முழுவதும் மும்முறை வலம் வந்து ஒவ்வொரு 15 கிலோ மீட்டர் தூரத்தில் அருகிலுள்ள கிராமத்தில் தங்கி பக்தி நெறி பரப்பியவர்.
9) எண்ணற்ற உணவுகள் வந்தும் அதைத் தவிர்த்து நெல் பொறி போன்ற ஆகாரம் அதுவும் ஒருவேளை மட்டும் உண்டு வாழ்ந்தவர்.
10)எளிமையான மக்களுக்கு பக்தி நெறியே சிறந்தது என அருளிய அருட்கொடையாளர்.
11)99 வருடங்கள் வாழ்ந்து 100 ஆண்டில் சில மாதங்கள் வாழ்ந்தவர்.
12)அதிகப்படியான 88 சாதூர்மாஸ்யம் என சந்திர பிறையை பார்த்தவர் (சந்யாசிகளின் வயதை கணக்கிடும் முறை)
13)உலகம் முழுவது உள்ள இந்துக்களின் ஆன்மீக குரு. மேலும் எண்ணற்ற மனிதர்களின் சாதி மதம் கடந்த ஆதர்ஸன குரு.
14)போப் ஜான் பால் 2, முகம்மது கொமேனி, தலாய் லாமா, மேல் மருவத்தூர் போன்ற ஆன்மீக பிற மத குருமார்கள் இவருடன் பேசி தொடர்பிலிருந்தார்கள்.
15)இவர் சமாதி அடைந்த நேரத்தில் எண்ணற்ற முஸ்லீம்கள்/கன்யாஸ்த் ரிகள் சிந்திய கண்ணீரைப்பார்த்து இந்து மதத்தினர் கூட ஆச்சர்யபட்டார்கள்.
16)Queen elizabath /canadian president முதல் உள்ளூர் அரசியல் பிரமூகர் வரை இவரிடம் தனி மதிப்பு வைத்திருந்தனர்.
17) கடவுள் நம்பிக்கையற்ற M.R. ராதா; ப்ளீட்ஸ் ஆசிரியர் கரஞ்சியா கண்ணதாசன் போன்றோரும் பின்னாளில் இவரை சந்தித்து ஆன்மீகவாதியானார்கள்.
18)கலைஞர் அவர்களின் காஞ்சியிலே ஒரு பெரியவருண்டு என்ற பேச்சு இவரது உள்ள அன்பை வெளிப்படித்திய கட்டுரையாகும். முனி வாழ்க்கை வாழ்ந்தார் எனவும் பேசியுள்ளார்.
19)காஞ்சி சங்கரமடத்திற்கு ஒட்டியுள்ள சிறு மசூதி தாமே மனம் வந்து வழங்க வந்த போது அதை மறுத்து உங்களின் பாங்கொலியில் அல்லாவிடமிருக்கிறேன் என பகர்ந்தவர்… ஐந்து வேளை தொழுக முஸ்லீம்களை வலியுறுத்தியவர்.
20)உலகப் புகழ் வாய்ந்த கிறிஸ்தவ பாடகர் இந்து மதம் தழுவ அவரிடம் சென்ற போது “உன் மதத்தில் என்ன இல்லை என இங்கு வருகிறாய் “என வினவி இன்றளவும் அப்பாடகர் தன் கிருத்தவ மதத்திலேயே இருக்கச் செய்தவர்.
21)நீதியரசர் மூ.மூ.இஸ்மாயில் அவர்களின் எண்ணற்ற சந்தேகங்களுக்கு அறிவு விளக்கமும் சிக்கலான தீர்ப்புகளில்
“உள்முகமாக” உதவியவர் என அவர் வாயிலாகவே வெளிப்படுத்தியுள்ளார்.
22)சுதந்திர போராட்டத்தில் தானும் கலந்து, சாத்வீகமான அவர் முறையில் மக்களை கலந்து கொள்ளச்செய்தவர்.
23)ரமண பகவான் புகழ் வெளியுலகுகத் தெரிய காரணமாயிருந்த “பால் பிரண்டன் “என்ற ஐரோப்பிய பயணி ஞானம் தேடி இவரை அணுகிய போது உனக்கான குரு திருவண்ணாமலையில் இருக்கிறார் என சிஷ்யனுக்கு குருவைக்காட்டிய ஞான குரு.
24)தன்னை நாடி இன்றளவும் வரும் எண்ணற்ற ஆத்மாக்களுக்கு அற்புதங்கள் நிகழ்த்திக்கொண்டிருப்பவர்.
25)தர்க்க சாஸ்திரம் ஜோதிடம் மருத்துவம், வான சாஸ்திரம் போன்றவற்றில் அத்துறையில் வல்லுவர்களோடு உரையாடும் அளவு ஆழ்ந்த ஞானமுள்ளவர்.
26) எண்ணற்ற நூல்களுக்கு வியாக்கியானம் எழுதியவர்.
27)திருப்பாவை, திருவெம்பாய், திருப்பள்ளி எழுச்சி, தேவாரம், திருவாசகம், திவ்விய பிரபந்தம் போன்றவை இன்று எழுச்சியோடு கோவில்களில் பாடப்படுவதற்கு இவரது எழிச்சீயூட்டலே காரணமாகும்.
28)இன்றளவும் நாகப்பட்டினம் மற்றும் சுற்று வட்டாரத்தில் விளையும் முதல் சாகுபடி நாகூர் ஆண்டவருக்கே அற்பணியுங்கள் என்று கூறியவர்.
29)டாடாவிலிருந்து பிர்லா நாட்டுக்கோட்டையார் ஆற்காடு நவாப்கள் VGP போன்ற அனைத்து மதத்தினருக்கும் “மக்கள் சேவையே மகேசன் சேவை” என உணர்த்தி அப்பாதையில் இவர்களை திருப்பச் செய்து இழுத்து வந்தவர்.
30)இன்று பிராதோஷம் போன்ற கூட்டங்கள் சேர்வதற்கு இவரே காரணம்.மூன்று லட்சம் ஆலயங்களில் இன்று ஒரு வேளை பூஜையாவது நடைபெறுவதற்கு இவரே காரணம்.
31) இசைஞானி இளையராஜா இவர் மீது ஆழ்ந்த பற்று கொண்டவர்.
32)விமான விபத்தில் 300 பேர் இறந்த போது கூட்டுபிரார்த்தனை என ஒன்றை ஏற்படுத்தி மோக்ஷ தீபம் என்ற முறையை ஏற்படுத்தியவர். வேதாத்ரி மகரிஷி, விசிறி சாமியார், ரவிசங்கர் குருஜி, தலாய் லாமா, போன்றோர் இவரிடம் தனிப்பட்ட முறையில் மரியாதை வைத்திருந்தனர்.
இப்படி சிறுவராக இளைஞராக மனிதராக தனி ஒருவராக ஞானியாக அவதரித்த அற்புத மஹான்
உலகிலுள்ள அனைத்து மத நல்லுள்ளங்களாலும்
“காஞ்சிப் பெரியவர்” ,”பெரியவா” , “நடமாடும் காமாக்ஷி” என போற்றப் படுபவரின் பெயர்
Reload document 
Open in new tab