நமது சமயமன்ற அன்பர் சிவஸ்ரீ.மணிவண்ணன் மற்றும் அவர் நண்பர்கள் கடம்பூர் கைலாசநாதஸ்வாமி திருக்கோவிலுக்கு இன்றைய ப்ரதோஷத்தில் அர்ப்பணித்த ரிஷப வாகனம்.
கடம்பூர் அருள்மிகு பாலாம்பிகா சமேத கைலாசநாதஸ்வாமி திருக்கோவில் (மறைமலைநகர் அருகில்)
கிருஷ்ணதேவராயர் காலத்திய கல்வெட்டு உள்ள கோவில். மிகப்பழமையானது.
இன்று 17.4.2022 ஞாயிற்றுக்கிழமை மன்னார்குடி ஜீயர் ஸ்வாமிகள் ஸ்ரீமத் பரமஹம்ஸ செண்டலங்கார செண்பகமன்னார் ஜீயர் ஸ்வாமிகளை சென்னையில் சமயமன்ற அன்பர்களுடன் தரிசித்து ஆசி பெற்றோம். ஸ்ரீஜீயர் ஸ்வாமிகள் நடைபெற்று வரும் இந்துசமயமன்ற பணிகள் பற்றி கேட்டு மிகவும் சந்தோஷித்து அருளாசி வழங்கினார்கள்.
இந்துசமயமன்றம் சார்பில் தண்டலத்தில் (ஸ்ரீகாஞ்சி காமகோடி பீடம் ஜகத்குரு ஸ்ரீஸ்ரீஸ்ரீசங்கர விஜயேந்திர சரஸ்வதி சங்கராச்சார்ய ஸ்வாமிகள் அவதாரஸ்தலம்)திருவிளக்கு பூஜை 16.4.22 சனிக்கிழமை சித்ரா பௌர்ணமி நன்னாளில் ஊர் பொதுமக்களின் பேரதரவுடன் நடைபெற்றது. 180க்கும் மேற்பட்ட மகளிர் கலந்து கொண்டனர்.முன்னதாக தண்டலம் கிராம தேவதை அருள்மிகு பொன்னியம்மன் திருக்கோவிலிலிருந்து ஊர்வலமாக அலங்கரிக்கப்பட்ட ஸ்ரீபெரியவர் திருவுருவப்படம் பல்லக்கில் வைத்து விழா நடைபெறும் இடமான ஸ்ரீகாமாக்ஷி அம்மன் சமேத தருணீச்வரஸ்வாமி ஆலயத்திற்கு பாகவர்களின் நாமசங்கீர்த்தனத்துடன் கொண்டுவரப்பட்டது. நூற்றுக்கணக்கான மக்கள் ஊர்வலமாக வந்தனர். திருவிளக்கு பூஜையை இந்துசமயமன்ற அமைப்பாளர் புலவர்.க.ஆத்ரேய சுந்தரராமன் நடத்தி வைத்தார்.ஸ்ரீசங்கரா கலைக்கல்லூரி மாணவ மாணவியர் கல்லூரி முதல்வர் முனைவர்.கலை.ராம வெங்கடேசன் தலைமையில் வந்து உதவினர்.ஆடிட்டர் ஸ்ரீகாந்த்ஜி, விஎச்பி பிரமுகர் ஸ்ரீ.ஸ்ரீராம்ஜி, ஸ்ரீகாஞ்சி கைங்கர்ய சபா ஸ்ரீ.வெங்கட்ராமன்ஜி, ஸ்ரீனிவாசன்ஜி, சென்னபுரி இந்துசமயமன்றம் ஸ்ரீ.ஹரிஹரன்ஜி,சமுதாயக்கல்லூரி ஒருங்கிணைப்பாளர் ஸ்ரீ.M.K.ஸ்ரீதர்ஜி,கவுன்சிலர்.ஸ்ரீமதி.வித்யாலக்ஷ்மி மற்றும் கிராமப்பெரியோர்கள் கலந்துகொண்டனர்.
தமிழ் புத்தாண்டை முன்னிட்டு இந்துசமயமன்றம் சார்பில் இருளர் பழங்குடியினர் பகுதியில் அன்னதானம். (பாதூஷா, தக்காளி சாதம், உருளைக்கிழங்கு பொரியல்)
இந்துசமயமன்றம் மற்றும் மறைமலைநகர் பிராமணர் சங்கம் இணைந்து இன்றைய (12.4.22) ஏகாதசி நன்னாளில் ஸ்ரீமந்நாராயணீய ஏகதின பாராயணம்.
02.04.22 சனிக்கிழமை யுகாதி பண்டிகை மறைமலைநகரில் ஸ்ரீமஹாபெரியவர், ராதா மாதவஸ்வாமி, நமசங்கீர்த்தனத்துடன் நகர்வலக்காட்சிகள்.
இன்று (23.3.22, புதன் கிழமை காலை)அனுஷ அமிர்தம் சார்பில் களிவந்தப்பட்டு இருளர் பகுதியில் அன்னதானம் (லட்டு, வடை, வெஜிடபுள் புலாவ், ரெய்தா) ஸ்ரீமஹாபெரியவர் அருளாசியுடன் நடைபெற்றது.
இன்று மாலை (23.03.22, புதன்கிழமை மாலை) மறைமலைநகர் இந்துசமயமன்றம் சார்பில் அமைப்பாளர் ஸ்ரீ.ப்ரகாஷ் அவர்கள் இல்லத்தில் ஸ்ரீமஹாபெரியவரின் அவதாரத்திருநக்ஷத்ரமாகிய அனுஷநக்ஷத்ர சிறப்பு பூஜை, வேதபாராயணம், ஸ்ரீலலிதா, ஸ்ரீவிஷ்ணு ஸஹஸ்ரநாம பாராயணம், மகளிர் கும்மிப்பாட்டு, அஷ்டோத்ர பூஜை என மிகவும் சிறப்பாக நடைபெற்றது. இரவு சுவையான சிற்றுண்டி வழங்கப்பட்டது.
